Magic tree house

               Magic tree house is an amazing book series written by marry pop obsorn.  There are 52 books in this series. I love this book very much. This is an adventure story of a brother and sister named Jack and Annie.All the magic tree house books are very nice books. If we read these books we will not stop reading.  We will go to all the book shops to get the next book of magic tree house.

        

             The dinocerous before dark

 When eight year old Jack and his seven year old sister Annie found magic tree house they accidently went back to the age of Jurassic. They discovered that the tree house was magical and it will take them to any place which they want to go. They saw a Tyrannosaurus rex.

          

            

             The mummies in the morning

Jack and Annie went to their third adventure to the ancient Egypt. There they helped the ghost queen to find the book of death.

                   

              

          Sunset of the saber tooth

Jack and Annie went back to the ice age. There they found a flute made from mammoth bone. The way back to their tree house they got trapped in front of a saber tooth.

                     

          Ghost town at sundown

There the Jack and Annie helped a cow boy to get his horses back from horse thieves. His name was slim.

                     

          

                Lions at the lunchtime

Jack and Annie went to a forest to get one answer of a riddle. Way back to the tree house they got trapped in front of some lions at their lunch time.

                    

These books are very interesting. It is very thrilling. They are teaching us information along with the story. When we start reading a magic tree house book we will not put it down until it is done.

        

കുട്ടികൾക്ക് 100 ലോകകഥകൾ

   ഇന്നലെ ഞാന്‍ ‘ കുട്ടികൾക്ക്  100 ലോകകഥകള്‍’ എന്ന പുസ്തകം വായിച്ചു തീര്‍ത്തു. രണ്ടു ദിവസം കൊണ്ടാണ് ഞാന്‍ ഈ പുസ്തകം വായിച്ചു തീര്‍ത്തത്. ഈ പുസ്തകം നിറച്ച് പലതരം രാജ്യങ്ങളിലെ കഥകളാണ്. പക്ഷേ ഈ കഥകളൊന്നും ഞാന്‍ ഇതുവരെ വായിച്ചിട്ടില്ലായിരുന്നു. മദ്ധ്യേഷ്യന്‍, അമേരിക്കന്‍, കൊറിയന്‍, ജപ്പാന്‍, റഷ്യന്‍, ആഫ്രിക്കന്‍ തുടങ്ങി പല രാജ്യങ്ങളിലെ  കഥകളാണ് ഈ പുസ്തകത്തിലുള്ളത്.

  റഷ്യന്‍, കൊറിയന്‍, ആഫ്രിക്കന്‍ തുടങ്ങിയ രാജ്യങ്ങളിലെ കഥകള്‍ എനിക്കു ഏറെ ഇഷ്ടമായി. അത്ഭുത കഥകള്‍, മാന്ത്രിക കഥകള്‍, ഗുണപാഠ കഥകള്‍ എന്നിങ്ങനെ കഥകളുടെ അത്ഭുത ലോകം തന്നെയാണ് ഈ പുസ്തകം നമുക്ക് മുന്നില്‍ തുറന്നിടുന്നത്. അവധിക്കാലത്ത് കുട്ടികള്‍ക്ക് വായിച്ചു രാസിക്കാവുന്ന ഒരു പുസ്തകമാണിത്.

കീയോ കീയോ

       കുട്ടികളിൽ പ്രകൃതി നിരീക്ഷണത്തിന് താല്പര്യം വളര്ത്തുന്ന നോവലാണ്‌  പ്രൊഫസർ എസ് ശിവദാസിന്റെ  'കീയോ കീയോ'. എഴുത്തുകാരന്റെ വീട്ടുമുറ്റത്തെ മുല്ലവള്ളിയിൽ  കൂടുകൂട്ടിയ ഒരു ഇരട്ടത്തലച്ചി കുടുംബത്തിന്റെ കഥയാണിത്. ഇരട്ടത്തലച്ചി കുഞ്ഞുങ്ങൾക്ക്‌ തീറ്റ കൊടുക്കുന്നതും, മഴയിൽ നിന്ന് സംരക്ഷിക്കുന്നതും എഴുതുകാരാൻ എന്നും നിരീക്ഷിക്കും.

  ഇരട്ടത്തലച്ചി ആദ്യം പുഴുക്കളെയായിരുന്നു കുഞ്ഞുങ്ങൾക്ക്‌ കൊടുത്തിരുന്നത്. പിന്നെ കൊച്ചുപഴങ്ങൾ കൊടുത്തുതുടങ്ങി.രാവിലെ മുതൽ വൈകിട്ടുവരെ ആണ്കിളിയും പെന്കിളിയും കുഞ്ഞുങ്ങൾക്ക്‌ ഭക്ഷണം കൊടുക്കും. എത്ര കൊടുത്താലും കിളിക്കുഞ്ഞുങ്ങൾ കരഞ്ഞുകൊണ്ടെയിരിക്കും. പിന്നെ അമ്മക്കിളി കുഞ്ഞിക്കിളിയുടെ കാഷ്ടം വിഴുങ്ങും. ചിലപ്പോൾ കൂടുവൃത്തിയാക്കാൻ അല്ലെങ്കിൽ പോഷക സമൃദ്ധമായത്  കൊണ്ടായിരിക്കും അമ്മക്കിളി അങ്ങനെ ചെയ്യുന്നതെന്ന് എഴുത്തുകാരൻ  അഭിപ്രായപ്പെടുന്നു.

         കിളിക്കുഞ്ഞുങ്ങൾ ആദ്യമായി പറക്കുന്നതൊക്കെ വളരെ രസകരമായി ഈ നോവലിൽ വിവരിക്കുന്നു. പേടിച്ചു പേടിച്ചാണ് കിളിക്കുഞ്ഞുങ്ങൾ പറക്കുന്നത്. സ്വന്തം കുഞ്ഞുങ്ങളെ പോലെയാണ് എഴുതുകാരൻ കിളിക്കുഞ്ഞുങ്ങളെ കാണുന്നത്. ഒരു കുഞ്ഞ് താഴെ വീണപ്പോൾ അതിനെ ഉറുമ്പിൽ   നിന്ന് രക്ഷിക്കുന്നു.  കുഞ്ഞിക്കിളികളെ ഉപദ്രവിക്കാൻ വന്ന ഉപ്പനെയും കാട്ടുകണ്ടൻ പൂച്ചയെയും ചേരപ്പാമ്പിനെയും  എഴുതുകാരാൻ ഓടിച്ചുവിടുന്നു.
വിത്ത് വിതരണത്തിലും കീടങ്ങളെ നശിപ്പിക്കുന്നതിലും കിളികൾ വളരെ വലിയ പങ്കാണ് വഹിക്കുന്നത്. പ്രകൃതിയെ സൂക്ഷ്മമായി നിരീക്ഷിച്ചാൽ പല അത്ഭുതങ്ങളും നമുക്ക് കണ്ടെത്താൻ കഴിയും എന്ന് ഈ നോവൽ നമ്മെ ഓര്മ്മിപ്പിക്കുന്നു.

                 
             
                    

തൂവല്‍ കുപ്പായക്കാര്‍

          കഴിഞ്ഞ ദിവസം ഞാന്‍ ക്ലാസ്സ് ലൈബ്രറിയില്‍ നിന്ന് 'തൂവല്‍കുപ്പായക്കാര്‍' എന്ന പുസ്തകം എടുത്തു. ഈ പുസ്തകത്തിന്റെ പേര് തന്നെ എനിക്കു ഒരുപാട് ഇഷ്ടപ്പെട്ടു.സി റഹീം എന്നയാളാണ് ഈ പുസ്തകം എഴുതിയത്. ഈ പുസ്തകത്തില്‍ നാകമോഹന്‍, വേലിത്തത്ത,തിത്തിരി, ഉപ്പന്‍ (ചെമ്പോത്ത്),മൈന,കൊക്ക്, പാതിരാകൊക്ക്, പൂത്താങ്കീരി,മണ്ണാത്തിപ്പുള്ള്, കൃഷ്ണപ്പരുന്ത്, കുയില്‍, പുള്ളുനത്ത്,വീട്ടുകാക്ക, ബലിക്കാക്ക,തത്ത,ചിന്നക്കുട്ടുറുവന്‍, തുടങ്ങിയ പക്ഷികളെ കുറിച്ച് പറയുന്നുണ്ട്.

      പട്ടണത്തില്‍ നിന്ന് വന്ന അശ്വതിയുടെ കുഞ്ഞമ്മാവാനാണ് അശ്വതിക്കും കൂട്ടുകാര്‍ക്കും പക്ഷികളെകുറിച്ച് പറഞ്ഞു കൊടുക്കുന്നത്. അശ്വതിയുടെ കുഞ്ഞമ്മാവന്‍ അശ്വതിക്ക് ഇന്ദുചൂഡന്‍റെ (കെ കെ നീലകണ്ഠന്‍) 'കേരളത്തിലെ പക്ഷികള്‍ എന്ന പുസ്തകം സമ്മാനിക്കുന്നുണ്ട്. എനിക്കും ആ പുസ്തകം വായിക്കണമെന്ന ആഗ്രഹമുണ്ടായി.

         ലോക പ്രശസ്ത പക്ഷിനിരീക്ഷകനായ സലിം അലി എങ്ങിനെയാണ് പക്ഷിനിരീക്ഷകനായതെന്ന് സി റഹീം ഈ പുസ്തകത്തില്‍ പറയുന്നുണ്ട്. അശ്വതിയും കൂട്ടുകാരും കുഞ്ഞമ്മാവനോടൊപ്പം ബൈനോക്കുലറുമായി പക്ഷികളെ നിരീക്ഷിക്കാന്‍ പോകുന്നു. കുഞ്ഞമ്മാവന്‍ പല കാര്യങ്ങളും കുട്ടികള്‍ക്ക് പറഞ്ഞുകൊടുക്കുന്നു.

         കുഞ്ഞമ്മാവന്റെ കുട്ടിക്കാലത്ത് നാട്ടില്‍ ധാരാളം മൃഗങ്ങളും പക്ഷികളും ചെറുജീവികളും  ഉണ്ടായിരുന്നു. ഇന്ന് അവയില്‍ പലതിനെയും കാണാനില്ല. മനുഷ്യരുടെ ദുരാഗ്രഹമാണ് ഇതിന് കാരണം.

" നമുക്ക് ചുറ്റും ജീവിക്കുന്ന ഈ ജീവികളൊക്കെ ഒരുതരത്തിലല്ലെങ്കില്‍ മറ്റൊരുതരത്തില്‍ നമുക്കെല്ലാം ഉപകാരികളാണ്. പക്ഷികള്‍ നമുക്കെന്തെല്ലാം ഉപകാരങ്ങളാണ് ചെയ്യുന്നത്. പൂക്കളില്‍ പരാഗണം നടത്താന്‍ സഹായിക്കുന്നു. കൃഷിക്ക് ഉപദ്രവം വരുത്തുന്ന കീടങ്ങളെ പിടിച്ചുതിന്നുന്നു. പകരം വളസമ്പുഷ്ടമായ കാഷ്ടം കൃഷിയുടെ വളര്‍ച്ചയ്ക്ക് തിരിച്ചു നല്കുന്നു.  കീരികള്‍ പാമ്പുകളെ നിയന്ത്രികുന്നു. പമ്പുകള്‍ എലികളെ നിയന്ത്രിക്കുന്നു. ഇങ്ങിനെ ഒന്നിനോടൊന്ന് ബന്ധപ്പെട്ടാണ് പ്രകൃതി നിലനില്‍ക്കുന്നത്. അതിനാല്‍ ഇവയൊക്കെ നശിപ്പിച്ചാല്‍ നമുക്ക് തന്നെയാണ് ദോഷം.നമുക്ക് ആവശ്യമുള്ളത് മാത്രമേ പ്രകൃതിയില്‍ നിന്ന് എടുക്കാവൂ" ഇങ്ങനെ പ്രകൃതിയുടെ മഹത്വം കുഞ്ഞമ്മാവന്‍ കുട്ടികള്‍ക്ക് വിശദീകരിച്ചുകൊടുക്കുന്നു. നമുക്ക് വേണ്ടതെല്ലാം പ്രകൃതിയില്‍ ഉണ്ട്.എന്നാല്‍ ഒരാളിന്റെ അത്യാര്‍ഥിക്കുള്ളത് പ്രകൃതിയില്‍ ഉണ്ടാവില്ല എന്ന ഗാന്ധിജിയുടെ സന്ദേശം കുട്ടികളെ ഓര്‍മ്മിപ്പിക്കുന്നു.

         ഈ പുസ്തകം വായിച്ചപ്പോള്‍ എനിക്കു വളരെയധികം അറിവുകള്‍ കിട്ടി.പക്ഷികളെ നിരീക്ഷിക്കണമെന്ന് ഞാനും തീരുമാനിച്ചു.പ്രകൃതിയെ നശിപ്പിക്കുന്ന മനുഷ്യന്‍ അവനെ തന്നെയാണ് നശിപ്പിക്കുന്നത് അതുകൊണ്ടു എല്ലാവരും പ്രകൃതിയെ സ്നേഹിക്കണം എന്ന പാഠം ഈ പുസ്തകം നമ്മെ പഠിപ്പിക്കുന്നു. കുട്ടികള്‍ എല്ലാവരും ഈ പുസ്തകം വായിച്ചിരിക്കണം.

തോല്പ്പെട്ടിയിലേക്ക് ഒരു യാത്ര.

വിഷു  കഴിഞ്ഞ പിറ്റേദിവസം ഞങ്ങൾ തോൽപ്പെട്ടി വന്യ മൃഗസംരക്ഷനകെന്ദ്രത്തിൽ പോകാൻ തീരുമാനിച്ചു. ഉച്ചഭക്ഷണത്തിനു ശേഷം ഞാൻ, അച്ഛൻ, അമ്മ,അച്ചാച്ചൻ, അച്ഛമ്മ  എന്നിവരടങ്ങിയ ഒരു ചെറു സംഘം തോല്പ്പെട്ടിയിലേക്കുപുറപ്പെട്ടു .തൊൽപ്പെട്ടിയിലെക്കുള്ള യാത്ര രസകരമായിരുന്നു. വെയിലുണ്ടായിരുന്നെങ്കിലും മരങ്ങൾ ഉള്ളത് കാരണം ചൂടറിഞ്ഞില്ല. ഇടയ്ക്കിടയ്ക്ക്   ഉണങ്ങിയ കുറെ മുളങ്കാടുകൾ  കണ്ടു. ഏകദേശം മൂന്നു മണിയായപ്പോൾ ഞങ്ങൾ അവിടെ എത്തി.പല സ്ഥലങ്ങളിൽ നിന്നായി വന്ന   യത്രക്കാരുടെ  ബഹളമായിരുന്നു  അവിടെ.അച്ഛൻ ടിക്കറ്റെടുക്കുന്നത് വരെ ഞങ്ങൾ  സിമൻറ് ബെഞ്ചിൽ വിശ്രമിച്ചു. 

                            ഞങ്ങൾ ഞങ്ങളുടെ ജീപ്പിലാണ് കാട്ടിലേക്ക് പോയത് . കൂടെ ഒരു ഗൈഡും ഉണ്ടായിരുന്നു. കാട്ടിലൂടെയുള്ള യാത്ര പുതിയൊരു അനിഭവമാണ്‌ എനിക്ക് സമ്മാനിച്ചത്. ഇരു വശത്തും മരങ്ങൾ നിറഞ്ഞ മണ്‍പാതയിലൂടെയായിരുന്നു ഞങ്ങൾ മുന്നോട്ടു പോയത്. ഡ്രൈവർ വളരെ പതുക്കെയാണ്  വണ്ടിയോടിച്ചത് .  ഏകദേശം ഇരുപത്തിയെട്ടു കിലോമീറ്ററോളം ഞങ്ങൾ കാട്ടിലൂടെ സഞ്ചരിച്ചു.

                      ഈ യാത്രയിൽ കുറെ മൃഗങ്ങളെ കാണാൻ കഴിഞ്ഞു .മാന്കൂട്ടങ്ങൾ ,

മയിലുകൾ, ഒരു മരത്തിൽ നിന്ന് വേറൊരു മരത്തിലേക്ക് ചാടുന്ന മലയണ്ണാൻ 

മരകൊമ്പിൽ ഊഞ്ഞാലാടുന്ന കുരങ്ങുകൾ , ജീപ്പിന്റെ ശബ്ദം  കേട്ട് പറന്നു പൊങ്ങുന്ന കാട്ടുകോഴികൾ, വലതും ചെറുതും വലുതുമായ  പലതരം മരങ്ങൾ, വലിയമരത്തിൽ പല ആകൃതിയിൽ കെട്ട് പിണഞ്ഞു കിടക്കുന്ന വള്ളികൾ,ഭീമാകാരമായ തേനീച്ചകൂട്  ഇങ്ങനെ പല കാഴ്ചകളും കണ്ടു.ഞങ്ങൾക്കറിയാത്ത  പല കാര്യങ്ങളും ഗൈഡ് പറഞ്ഞു തന്നു.

ഞങ്ങൾ കാട്ടിൽ ൽ നിന്ന് തിരിച്ചിറങ്ങുമ്പോഴേക്കും വൈകുന്നേരമായി.അന്തരീക്ഷത്തിൽ നേരിയ തണുപ്പ്  വന്നുതുടങ്ങിയിരുന്നു. തിരിച്ചുള്ള യാത്രയിൽ ഞങ്ങൾ തിരുനെല്ലി ക്ഷേത്രത്തിലും പോയി.അങ്ങോട്ടുള്ള യാത്രയിൽ റോഡിനടുത്തായി മരങ്ങൾക്കിടയിൽ ഒരു വലിയകാട്ടുപോത്ത്നില്ക്കുന്നത് കണ്ടു. ഡ്രൈവർ വണ്ടി നിർത്തി. 

അച്ഛനും  ഡ്രൈവറും കൂടി അതിന്റെ കുറച്ചു അടുത്തുപോയി ഫോട്ടോ എടുക്കാൻ നോക്കി. പെട്ടെന്ന് അത് തലകുലുക്കിക്കൊണ്ട് മുന്നോട്ടു നോക്കി ഞങ്ങൾ എല്ലാരും പേടിച്ചുപോയി.വേഗംതന്നെ അവിടന്ന് രക്ഷപ്പെട്ടു.

 സമുദ്രനിരപ്പിൽ നിന്നും ഒരുപാട് ഉയരത്തിലാണ് തിരുനെല്ലി ക്ഷേത്രം സ്ഥിതിചെയ്യുന്നത്. മലബാറിലെ പ്രശസ്തമായ ഈ ക്ഷേത്രത്തിൽ ബലിയിടൽ ചടങ്ങുകൾ നടക്കാറുണ്ട്. വളരെ മനോഹരമായിരുന്നു കുന്നിൻ മുകളിലെ ക്ഷേത്രം. ക്ഷേത്രം ചുറ്റി നടന്നു കണ്ടതിന് ശേഷം ഞങ്ങൾ പാപനാശിനി കാണാൻ പോയി. തമിഴ്നാട്ടിൽ നിന്നും കർണാടകയിൽ നിന്നും വന്ന യാത്രക്കാരുടെ സംഘങ്ങൽ ബഹളം കൂട്ടിക്കൊണ്ട് കടന്നു പോകുന്നുണ്ടായിരുന്നു. പാറക്കൂട്ടങ്ങൾക്കും മുളങ്കാടുകൾക്കും  ഇടയിൽ വരണ്ടുണങ്ങിയ പാപ നാശിനി . അവിടെ കുറെ  വാ മൂടിക്കെട്ടിയ കുടങ്ങൾ, ചിതറിക്കിടക്കുന്ന വാടിയപൂക്കൾ....മലമുകളിൽ നിന്ന് പൈപ്പ്‌ലൈൻ വഴി പാപനാശിനിയിലേക്കു  വെള്ളം എത്തിക്കുന്നതും കണ്ടു. 

തിരിച്ചുള്ളയാത്രയിൽ റോഡ്‌ സൈഡിൽ മൂന്നു ആനകൾ  നില്ക്കുന്നത് കണ്ടു. ഡ്രൈവർ  വേഗം വണ്ടിയോടിച്ചു. 

യാത്രകൾ എനിക്ക് ഒരുപാട് ഇഷ്ടമാണ്. നമുക്കറിയാത്ത ഒരുപാട് കാര്യങ്ങൾ കാണാനും അറിയാനും യാത്രകൾ  സഹായിക്കും.

ആൻഫ്രാങ്കിന്റെ ഡയറികുറിപ്പുകൾ

ആൻഫ്രാങ്കിന്റെ   ഡയറികുറിപ്പുകൾ

കഴിഞ്ഞ അവധിക്കാലത്ത് ഞാൻ വായിച്ച പുസ്തകങ്ങളിൽ എനിക്കേറ്റവും ഇഷ്ടപ്പെട്ട എന്റെ കണ്ണു നനയിച്ച പുസ്തകമാണ്   ആൻഫ്രാങ്കിന്റെ   ഡയറിക്കുറിപ്പുകൾ ,

            ജര്‍മ്മൻ എകാധിപാതിയായ ഹിറ്റ്ലർ യഹൂദ  ജനതയോട് കാട്ടിയത് അതിഭയങ്കരമായ ക്രൂരതയായിരുന്നു. ഈ ക്രൂരതകൾ ആൻ ഫ്രാങ്കിന്റെ ഡയറി വഴി ലോകം അറിഞ്ഞു.ഹിറ്റ്ലറുടെ ക്രൂരതയിൽ ഇല്ലാതാക്കപ്പെട്ട  അനേകം   കുടുംബങ്ങളിൽ ഒന്നായിരുന്നു   ആൻ ഫ്രാങ്കിന്‍റേത്. വളരെ സന്തോഷത്തോടെയാണ് ആൻഫ്രാങ്കിന്‍റെ കുടുംബം കഴിഞ്ഞിരുന്നത്. പെട്ടന്നാണ് ജര്‍മ്മന്‍കാരുടെ ആക്രമണം തുടങ്ങിയത്. പട്ടാളക്കാരിൽ നിന്ന് രക്ഷപ്പെടാൻ ആനിന്‍റെ കുടുംബത്തിന് ഒളിത്താവളത്തിലേക്ക് മാറേണ്ടിവന്നു. അച്ഛൻ , അമ്മ,ചേച്ചി, മിസ്റ്റർ ഡുസ്സൽ,  മിസ്സിസ് വോണ്‍  ഡാൻ , മിസ്റ്റർ വോണ്‍  ഡാൻ  അവരുടെ മകൻ മിസ്റ്റർ പീറ്റർ വോണ്‍ ഡാൻ എന്നിവരായിരുന്നു ഒളിത്താവളത്തിൽ ഉണ്ടായിരുന്നത്. അവരെ സഹായിക്കാൻ നാല് സഹായികൾ ഉണ്ടായിരുന്നു.സൈനികരുടെ പിടിയിൽ  പെടാതിരിക്കാൻ അവർ കുറെ കഷ്ടപ്പെട്ടു. മിക്കപ്പോഴും വേവിച്ച ഉരുളക്കിഴങ്ങ് മാത്രം തിന്നു വിശപ്പടക്കി. സ്കൂളിൽ ഒന്നും പോകാതെ പുറംലോകം കാണാതെയുള്ള ദിവസങ്ങള് ആനിന്  ദുസ്സഹമായിരുന്നു. അവൾ തന്‍റെ വിഷമങ്ങൾ കിറ്റി എന്ന ഡയറിയിൽ എഴുതിക്കൊണ്ടിരുന്നു.

'മറ്റാരും ഈ ലോകത്തിലില്ലെങ്കിൽ എന്‍റെ ആഗ്രഹങ്ങൾക്കനുസരിച്ചുള്ള ഒരു പെണ്‍കുട്ടിയായിത്തീരാൻ എനിക്ക് കഴിയുമല്ലോ എന്ന് ഞാനാലോചിച്ചുപോകും'എന്നെഴുതിക്കൊണ്ടാണ് ആൻ ഡയറി അവസാനിപ്പിക്കുന്നത്.  ആനും കുടുംബവും  പിടിക്കപ്പെട്ടതിനു ശേഷമാണ് ആനിന്‍റെ ഡയറി ജൂതകുടുംബങ്ങളെ സഹായിച്ചിരുന്ന മീപ്പ്, എല്ലി എന്നീ പെണ്‍കുട്ടികളുടെ കൈകളിൽ  എത്തിച്ചേരുന്നത് .  യുദ്ധത്തിന്‌ ശേഷം ആനിന്‍റെ പിതാവ് തിരിച്ചെത്തുന്നതുവരെ അവർ അത് സൂക്ഷിക്കുന്നു. 

       ഈ പുസ്തകത്തിന്‍റെ അവസാന ഭാഗത്ത്‌ സൈന്യം പിടിച്ചുകൊണ്ടുപോയ ആനിനും മറ്റുള്ളവര്‍ക്കും  എന്ത് സംഭവിച്ചു എന്ന് പറയുന്നുണ്ട്.  മിസ്റ്റർ വാണ്‍ ഡാന്‍ വിഷവാതക പ്രയോഗത്തിന് ഇരയാകുന്നു. ഓട്ടോ ഫ്രാങ്ക് ആശുപത്രിയിലാകുന്നു . പീറ്റർ വാണ്‍ ഡാനെ കുറിച്ച് ഒരുവിവരവും ഇല്ല. ആനിന്‍റെ അമ്മയുടെ മരണത്തിന്  ശേഷം ആനിനേയും ചേച്ചിയെയും ജര്‍മ്മനിയിലെ ബെർഗൻ  ബെൽസനിലെക്കു കൊണ്ടുപോയി. അവിടെ വെച്ച്   രണ്ടു പേർക്കും  ടൈഫസ് പിടിപെട്ടു. തന്‍റെ സഹോദരി കണ്‍മുൻപിൽ പിടഞ്ഞു വീണു മരിക്കുന്നത് കണ്ട  ആൻഫ്രാങ്ക്  മാനസികമായി ആകെ തകരുകയും കുറച്ചു  ദിവസങ്ങൾക്ക് ശേഷം മരണത്തിനു കീഴടങ്ങുകയും ചെയ്യുന്നു. 

ഈ പുസ്തകം എന്നെ വല്ലാതെ  വേദനിപ്പിച്ചു. ആനിന്‍റെ  ജീവിതാവസ്ഥ എന്നെ കരയിച്ചു. സൈനിക ക്യാമ്പിൽ അസാമാന്യ ധൈര്യം കാണിച്ച ആൻ  രക്ഷപ്പെട്ടിരുന്നെങ്കിൽ എന്ന് ഞാൻ വെറുതെ മോഹിച്ചു.  ഒളിത്താവളത്തിലെ  വിരസത അകറ്റാൻ ആൻ  ഇങ്ങനെ ഒരു ഡയറി എഴുതിയില്ലായിരുന്നെങ്കിൽ യുദ്ധത്തിൽ കൊല്ലപ്പെട്ട മറ്റനേകം പേരെ പോലെ ആനിന്‍റെ  ജീവിതവും ആരും അറിയുമായിരുന്നില്ല...